இரட்டிப்பான நன்மைகள் தந்திட
இயேசு வாக்களித்தாரே – 2
முன் மாரி மேல் பின் மாரி மழையே
உன்னதத்தினின்று வந்திறங்குதே – 2
                           – இரட்டிப்பான

பெலத்தின் மேலே மா பெலனே
புது பெலன் நாம் பெற்றிட – 2
சால்வை தனை எலிசா அடைந்தாற்போல்
சோர்வின்றி பெலன் என்றும் நாடுவோம் – 2
                           – இரட்டிப்பான

ஜெயத்தின் மேலே மா ஜெயமே
ஜெய தொனியாய்ப் பெற்றிட – 2
போர் முனையில் சிறு தாவீது போல
போர் வீரராக என்றும் ஜெயிப்போம் – 2
                           – இரட்டிப்பான

நம்பிக்கையின் மேல் நம்பிக்கை
நல்விசுவாசம் பெற்றிட – 2
ஆதி அப்போஸ்தலர் காலம் நடந்த
அற்புதம் நாம் என்றும் காணுவோம் – 2
                           – இரட்டிப்பான

பரிசுத்தம் மேல் பரிசுத்தம்
பங்கமில்லாமல் பெற்றிட – 2
நீதியின் சூரியன் ஏசுவுடனே
நீதி அணிந்து என்றும் ஆளுவோம் – 2
                           – இரட்டிப்பான

கிருபையின் மேல் மா கிருபை
கர்த்தரிடம் நாம் பெற்றிட – 2
ஸ்திரீகளுக்குள் மரியாள் பெற்ற பாக்கியம்
ஸ்தோத்திரம் பாடி என்றும் தேடுவோம் – 2
                           – இரட்டிப்பான