புத்தம்புது நாட்கள்
புத்தம் புது கிருபை
புன்னகை பூ பூக்குதே
கர்த்தர் செய்த நன்மை
நித்தம் நித்தம் புதுமை
கணக்கில்லா ஆசீகளே – 2

இயேசு நாயகரே நம் ஆதரவே
நம்மை தப்புவித்து
விடுவித்து காப்பவரே – 2
                          – புத்தம் புது

1. யாருமில்லை என்று
ஒருநாளும் கலங்காதே
ஆதரவாய் இருப்பேன்
என்றவரும் அவர் தானே – 2

உன்னை நடத்துவார்
கரம் பிடித்துள்ளார் – 2
ஆதரவாய் உள்ளார்
அழுகையை மறந்திடு
நீ அழுகையை மறந்திடு
                          – புத்தம் புது

2. சோதனைகள் சூழ்ந்து
தடுமாறி அலைகிறாயோ
சேதம் அணுகாமல்
காப்பவரை அறிவாயோ – 2

வாக்கு செய்தவர்
சர்வ வல்லவர்-2
தப்புவிப்பேன் என்கிறார்
தடுமாற்றம் இல்லையே
இனி தடுமாற்றம் இல்லையே
                          – புத்தம் புது

3. நடந்து வந்த பாதை
முட்களாக மாறிடினும்
கடந்து வரும் நேசர்
தங்கிடுவார் கலங்காதே – 2

வழி காட்டுவார்
முன் செல்வார்
விடுப்பார் உன்னையே
ஆனந்தம் என்றுமே
இனி ஆனந்தம் என்றுமே
                          – புத்தம் புது